- Lyrics
- Album list
黎上豪
-
代天巡狩
23370/《代天巡狩》Tāi-thian Sûn-siú 黎上豪Lê Siōng-hô
是伊踮佇遮 sī i tiàm tī tsia 除咱的病疼 tî lán ê pēnn-thiànn 化解災厄的勇敢 huà-kái tsai-eh ê ióng-kám 民間送王遊地河 bîn-kan sàng Ông iû tē-hô 做陣謝王爺 tsuè-tīn siā Ông-iâ
是伊的形影 sī i ê hîng-iánn 望伊閣入夢 bāng i koh ji̍p-bāng 心事只有伊知影 sim-sū tsí-ū i tsai-iánn 做咱的避風港 tsò lán ê pī-hong-káng 攏袂驚惶 lóng buē kiann-hiânn
定教阮毋管富貴 tiānn kà gún m̄-kuán hù-kuì 抑是平凡 ia̍h-sī pîng-huân 莫綴人做歹 mài tuè lâng tsò-pháinn 甘願跤踏實地 kam-guān kha ta̍h si̍t-tē 莫良心難安 mài liông-sim lân an
咱著拍拚生活 lán tio̍h phah-piànn sing-ua̍h 誠懇去行善 sîng-khún khì hîng-siān 相信天知影 siong-sìn thinn tsai-iánn 咱就平安順序 lán tiō pîng-an sūn-sī 一工一工晟 tsi̍t-kang-tsi̍t-kang tshiânn
入荒林 ji̍p hng-nâ 盤山嶺 puânn suann-niá 好名聲 hó miâ-siann 四界湠 sì-kè thuànn 蓮花池傳千里外 liân-hue-tî thuân tshian-lí guā 遊四海 iû sù-hái 護民安 hōo bîn an 坐王船 tsē ông-tsûn 探世間 thàm sè-kan 代天巡狩五王爺 tāi-thian sûn-siú Ngóo-ông-iâ
毋管你對神明的歷史 m̄-kuán lí tuì sîn-bîng ê li̍k-sú 捌毋捌 pat m̄-pat 對廟的傳承 tuì biō ê thuân-sîng 捌毋捌 pat m̄-pat 咱知影是伊予咱 lán tsai-iánn sī i hōo lán 代代平安生活佇遮 tāi-tāi pîng-an sing-ua̍h tī tsia 代代香火的流傳 tāi-tāi hiunn-hué ê liû-thuân 流傳著臺灣三百年 liû-thuân tio̍h Tâi-uân sann-pah nî 開山大業的傳說 khai-san tāi-gia̍p ê thuân-suat 就算科技予土地起變化 tiō-sǹg kho-ki hōo thóo-tē khí piàn-huà 望咱傳統 bāng lán thuân-thóng 著愛繼續來繁華 tio̍h-ài kè-sio̍k lâi huân-huâ
提出自信 the̍h tshut tsū-sìn 勇敢大聲喝 ióng-kám tuā-siann huah 喝講家己 huah kóng ka-tī 是值得驕傲的囡仔 sī ta̍t-tit kiau-ngōo ê gín-á 這份愛囥佇心中 tsit hūn ài khǹg tī sim-tiong 永遠袂變卦 íng-uán buē piàn-kuà
有孝佮虔誠 iú-hàu kah khiân-sîng Find more lyrics at ※ Mojim.com 上鑠拍 siōng siak-phah 世代咧改變 sè-tāi teh kái-piàn 但是伊袂變化 tān-sī i buē piàn-huà 袂變化 buē piàn-huà 毋捌改變過的鑠拍 m̄-bat kái-piàn--kuè ê siak-phah
好!拄著鹹酸苦汫 hó! tú-tio̍h kiâm-sng khóo-tsiánn 佮伊鬥陣分享 kah i tàu-tīn hun-hióng 是咱生生世世 sī lán sing-sing-sè-sè 囝兒序細 kiánn-jî sī-sè 永遠的依倚 íng-uán ê i-uá 永永遠遠踮佇遮 íng-íng-uán-uán tiàm tī tsia
毋管富貴 m̄-kuán hù-kuì 抑是平凡 ia̍h-sī pîng-huân 莫綴人做歹 mài tuè lâng tsò-pháinn 甘願跤踏實地 kam-guān kha ta̍h si̍t-tē 莫良心難安 mài liông-sim lân an
這份愛囥佇心中 tsit hūn ài khǹg tī sim-tiong 永遠袂變卦 íng-uán bē piàn-kuà 咱著拍拚生活 lán tio̍h phah-piànn sing-ua̍h 誠懇去行善 sîng-khún khì hîng-siān 相信天知影 siong-sìn thinn tsai-iánn 咱就平安順序 lán tiō pîng-an sūn-sī 一工一工晟 tsi̍t-kang-tsi̍t-kang tshiânn
香火的流傳 hiunn-hué ê liû-thuân 流傳的傳說 liû-thuân ê thuân-suat 傳說的來源 thuân-suat ê lâi-guân 開山大業 khai-san tāi-gia̍p
入荒林 ji̍p hng-nâ 盤山嶺 puânn suann-niá 好名聲 hó miâ-siann 四界湠 sì-kè thuànn 蓮花池傳千里外 liân-hue-tî thuân tshian-lí guā 遊四海 iû sù-hái 護民安 hōo bîn an 坐王船 tsē ông-tsûn 探世間 thàm sè-kan 代天巡狩五王爺 tāi-thian sûn-siú Ngóo-ông-iâ
(天公的牽成 thinn-kong ê khan-sîng 攏是上鑠拍 lóng-sī siōng siak-phah 世界會改變 sè-tāi ē kái-piàn 但是傳統袂改變 tān-sī thuân-thóng bē kái-piàn 袂改變的鑠拍 bē kái-piàn ê siak-phah 拄著鹹酸苦汫 hó! tú-tio̍h kiâm-sng khóo-tsiánn 佮伊鬥陣分享 kah i tàu-tīn hun-hióng 是咱生生世世 sī lán sing-sing-sè-sè 囝兒序細 kiánn-jî sī-sè 永遠的依倚 íng-uán ê i-uá 永永遠遠踮佇遮 íng-íng-uán-uán tiàm tī tsia)
咱做陣謝王爺 lán tsò-tīn siā Ông-iâ
- Special thanks to W.B. Chen for sharing the lyric.
- Related Links: W.B. Chen
|